لاہور ہائی کورٹ میں وزیراعظم کے مشیروں کو کام سے روکنے کی استدعا مسترد، تفصیلات طلب

لاہور(بیورورپورٹ)لاہور ہائی کورٹ نے وزیراعظم کے مشیروں کو کام سے روکنے کی استدعا مسترد کر دی، چیف جسٹس لاہور ہائی کورٹ جسٹس سید منصور علی شاہ نے کہا ہے کہ پہلے وفاقی حکومت کا موقف سنیں گے پھر فیصلہ کریں گے چیف جسٹس لاہور ہائی کورٹ نے وزیراعظم کے مشیروں کی تفصیلات بھی طلب کر لی ہیں۔چیف جسٹس کا کہنا تھا کہ مشیر وزیر کے اختیارات استعمال نہیں کر سکتا۔ چیف جسٹس لاہور ہائی کورٹ نے خدائی خدمت گار تنظیم کی جانب سے دائر درخواست کی سماعت کی۔عدالت کو بتایا گیا کہ آئین کے تحت وزیراعظم پانچ سے زائد مشیر نہیں رکھ سکتے لیکن وزیراعظم نے لاتعداد مشیر رکھے ہوئے ہیں اور حال ہی میں سردار مہتاب عباسی کو بھی مشیر ہوا بازی کادرجہ دیا گیا ہے اور ساتھ یہ بھی کہا گیا کہ وہ وفاقی وزیر کے عہدے کا مکمل اختیار استعمال کر سکتے ہیں اس موقع پر چیف جسٹس لاہور ہائی کورٹ سید منصور علی شاہ نے کہا کہ وزیر اعظم آئین سے تجاوز نہیں کر سکتے یہاں یہ عدالتیں موجود ہیں آئین موجود ہے قانون موجود ہے۔چیف جسٹس لاہور ہائی کورٹ نے درخواست باقاعدہ سماعت کے لیے منظور کرتے ہوئے وزیراعظم سے آئندہ سماعت پر مشیروں کی تفصیلات طلب کر لیں تاہم عدالت نے وزیر اعظم کے مشیروں کو فوری طور پر کام سے روکنے کی استدعا مسترد کر دی۔عدالت نے کیس کی مزید سماعت 27 فروری تک ملتوی کر دی۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

WordPress.com.

Up ↑

%d bloggers like this: