وفاقی وزر ہاﺅسنگ اینڈ ورکس محمد اکرم خان درانی نے فیڈرل گورنمنٹ ایمپلائیز ہاﺅسنگ فاﺅنڈیشن کے تحت جاری وزیر اعظم ہاﺅسنگ منصوبے میں پلاٹس کےلئے درخواستیں جمع کرانے والے تمام صحافیوں اور میڈیا ورکرز کو بلا تخصیص پلاٹ الاٹ کرنے کا اعلان کیا ہے

اسلام آباد( توقیر خان سے  ) وفاقی وزر ہاﺅسنگ اینڈ ورکس محمد اکرم خان درانی نے فیڈرل گورنمنٹ ایمپلائیز ہاﺅسنگ فاﺅنڈیشن کے تحت جاری وزیر اعظم ہاﺅسنگ منصوبے میں پلاٹس کےلئے درخواستیں جمع کرانے والے تمام صحافیوں اور میڈیا ورکرز کو بلا تخصیص پلاٹ الاٹ کرنے کا اعلان کیا ہے اور کہا ہے کہ گلگت بلتستان سمیت چاروں صوبوں میں صحافیوں اور میڈیا ورکرز کو انتہائی سستے داموں پلاٹس فراہم کئے جائینگے۔انہوں نئے کہا کہ مملک کو سب سے زیادہ نقصان آمروں نے پہنچایا ہے۔صحافتی تنظیمیں اور جمہوری قوتیں ملکر آمریت کا راستہ مستقل بنیادوں پر روک سکتی ہیں۔ میڈیا ورکرز کی کم سے کم تنخواہ 25000 روپے مقرر کرانے کےلئے ایپنک اور پی ایف یو جے کا مطالبہ وفاقی کابینہ کے اجلاس میں وزیر اعظم کو پیش کرونگا۔ان خیالات کا اظہار انہوں نے آل پاکستان نیوز پیپر ایمپلائیز کنفیڈریشن (ایپنک) کے زیر اہتمام منعقدہ عظیم الشان میڈیا کنونشن سے خطاب کرتے ہوئے کیا۔کنونشن میں ملک بھر سے ایپنک اور پی ایف یو جے کے 100 سے زائد مندوبین نے شرکت کی۔کنونشن سے خطاب کرتے ہوئے وفاقی وزیر محمد اکرم خان درانی کا کہنا تھا کہ ملک کا مستقبل روشن ہے ۔ ہم سب کو ملک کی ترقی کےلئے کام کرنا ہو گا۔ انہوں نے کہا کہ پاکستان کو سب سے زیادہ نقصان آمریت نے پہنچایا ہے ۔ کرپشن کا راستہ آمروں نے کھولا ہے۔ ہمیں اس راستے کو بند کرنے کےلئے سوچ بچار کرنا ہو گی۔انہوں نے کہا کہ وزیر اعظم محمد نواز شریف نے غریبوں کےلئے کم قیمت مکانات کی تعمیر کے منصوبے پر تیز رفتار عمل کےلئے میری سربراہی میں ایک اعلیٰ اختیاراتی کمیٹی قائم کی ہے جس مین وفاقی وزیر احسن اقبال سیکرٹری خزانہ اور سپیشل سیکرٹری تو پی ایم فواد حسن فواد شامل ہیں۔ کمیٹی نے منظوری دی ہے کہ صحافیوں اور میڈیا ورکرز سمیت تمام عام شہریوں کو 20 سال کی آسان اقساط پر مکانات تعمیر کر کے دیئے جائینگے جس کی کل قیمت 15 سے 20 لکھ روپے کے درمیان ہو گی اور صرف ڈیڑھ لاکھ روپے ایڈوانس دے کر مکان کی ملکیت اور قبضہ دے دیا جائے گا۔انون نے کہ پاکستان کی سب سے پہلی میڈیا کالونی بنانے کا اعزاز مجھے حاصل ہے ۔ آنے والی حکومت نے پشاور کی میڈیا کالونی سے نام ” درانی” ختم کرنے کی کوشش کی جسے غیرت مند صحافیوں نے مسترد کر دیا۔ایپنک کے نومنتخب چیئرمین سیداکرام بخاری نے اپنے خطاب میں کہا کہ تقسیم در تقسیم نے میڈیا ورکرز کو غربت کے اندھیرے میں دھکیل دیا ہے انہوں نے مطالبہ کیا کہ کسی بھی میڈیا ورکر کی کم سے کم تنخواہ 25000 ہزار مقرر کی جائے۔ نیا ویج بورڈ بلا تاخیر قائم کیا جائے ۔ انہوں نے تمام تقسیم شدہ صحافتی تنظیموں کو دعوت دی کہ وہ اختلافات بھلا ایک جھنڈے تلے جمع ہو جائیں تاکہ ہم پوری قوت کیساتھ اپنے مطالبات تسلیم کرا سکیں۔انہوں نے کہا کہ جس دن وزیر اعظم پاکستان مولانافضل الرحٰن بنیں گے اسی دن میڈا ورکرز سمیت پورے پاکستان کے مسائل حل ہو ں گے۔وزارت داخلہ کے پارلیمانی سیکرٹری ڈاکٹر محمد افضل خان ڈھانڈلہ نے اپنے خطاب میں کہا کہ میڈیا کی اصل قوت اتحاد ہے آپ اپنی سفوں میں اتحاد برقرار رکھیں۔ انہوں نے کہا کہ میں بطور مسلم لیگی ایم این اے اسمبلی اور اسمبلی سے باہر آپ کی آواز بنوں گا۔کنونشن سے سیکرٹری جنرل ایپنک شکیل یامین کانگا ، سیکرٹری جنرل پی ایف یو جے جی ایم جمالی ، چیئرمین ایپنک اسلام آباد محمد صدیق انظر ، ایم ڈبلیو او کے سدر کلیم شمیم ، وائس چیئرمین ایپنک کراچی رانا محمد یوسف،جنرل سیکرٹری کراچی ایپنک دارا ظفر، کراچی یونین آف جرنلسٹس کے صدر حسن عباس نے بھی خطاب کیا۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

WordPress.com.

Up ↑

%d bloggers like this: